Familierom med god plass til 2 vaksne og 2 barn. Eit komfortabelt val for familiar, byferie og lengre opphald midt i Oslo sentrum.
Familieromma våre er romslege og komfortable hotellrom i Oslo sentrum, godt eigna for 2 vaksne og 2 barn. Romma passar også godt for deg som skal bu litt lenger og ønskjer meir plass, fleksibilitet og komfort under opphaldet.
Familieromma har anten queen-size seng på 160 x 200 cm eller to twinsenger frå Jensen på 90 x 200 cm. Romma har også sovesofa, skrivebord, flatskjerm-TV med innebygd Chromecast, gratis internett og fri tilgang til hotellets treningsrom.
Romma har eige bad med dusj eller badekar, Rituals velværeprodukt og hårfønar. I tillegg finn du safe til sikker oppbevaring av verdisaker, strykejern og strykebrett, kaffi- og tekokar, kjøleskap og garderobeskap.
Som gjest på Hotell Bondeheimen bur du sentralt i Oslo, med kort veg til Karl Johans gate, Nationaltheatret, Stortinget, Oslo rådhus, Aker Brygge, kollektivtransport, shopping, kultur og opplevingar for både vaksne og barn. Frukost er inkludert, og i same hus finn du Kaffistova, vår tradisjonsrike restaurant med norsk mat og historie tilbake til 1901.
Alle familieromma er røykfrie.
